p O ti lọ. Awọsanma, Ti gba kuro loju wa, f Soke ọrun nibiti Oju wa kò le tẹle; O ti kuro l’aiye yi, O ti de ibi mimẹ, Lala at’ irora tan, Ijà tan, o ti ṣẹgun.
p O ti lọ. Awa sì wá L’aiye ẹṣẹ at’ iku; A ni ‘ṣẹ́ lati ṣe fun, L’aiye t’o ti fisilẹ, cr K’a si tẹle ọna Rẹ̀; K’a tẹle tọkàntọkan K’a s’ọta Rẹ di ọrẹ, K’a fi Krist hàn n’iwa wa.
p O ti lọ. On ti wipe, “O dara ki Emi lọ,” Ni ara ṣa l’o yà wa, Ṣugbọn or’ọfẹ Rẹ̀ wa: mf On ni awa kò ri mọ, A ni Olutunu rẹ̀, f Ẹmi Rẹ̀ si jẹ tiwa. O ns’ agbara wa d’ọtun.
p O ti lọ. L’ọna kanna, L’o yẹ k’ Ijọ Rẹ̀ ma lọ; f K’a gbagbe ohun ẹ̀hin, K’a si ma tẹ̀ siwaju: Ọrọ Rẹ̀ ni ‘mọlẹ wa, Titi de opin aiye, Nibiti otọ Rẹ̀ wà, Y’o pese fun alaini.
p O ti lọ. Lẹkan si i A o tun f’ oju wa ri; f O wà bakanna l’ọrun, Gẹgẹ b’o ti wà l’aiye: N’nu ‘bugbe t’o wà nibẹ, Y’o pese àye fun wa, p Ninu aiye ti mbọ̀ wa, A o j’ọkan pẹlu Rẹ̀.
p O ti lọ. Fun ire wa, Ẹ jẹ ki a duro dè; f O jinde, ko si nihin. O ti goke re ọrun; Jẹ k’a gb’ ọkan wa soke, Sibiti Jesu ti lọ, ff Si ọdọ Ọlọrun wa, Nibẹ l’alafia wà. Amin.